తిరుమలలో భారీ అగ్నిప్రమాదం

తిరుమలలో సోమవారం భారీ అగ్నిప్రమాదం సంభవించింది. శ్రీవారి ఆలయ ప్రాంగణం సమీపంలోని రాంబగీచా అతిథిగృహం ఎదురుగా ఉన్న మినీ షాపింగ్ కాంప్లెక్స్ లో ఈప్రమాదం జరిగింది. ఈ ఘటనలో సుమారు పది దుకాణాలు అగ్నికి ఆహుతి అయ్యాయి. ఒక్కసారిగా మంటలు పెద్ద ఎత్తున ఎగిసి పడటంతో భక్తులు భయంతో పరుగులు తీశారు. అగ్నిమాపక సిబ్బంది మంటలను అదుపు చేస్తున్నారు. షార్ట్ సర్య్కూట్ వల్లే ఈ ప్రమాదం జరిగినట్లు సమాచారం. సుమారు రూ.10 లక్షల ఆస్తినష్టం జరిగినట్లు తెలుస్తోంది.