ప్రత్యేక రాష్టమ్రా? ప్యాకేజీనా?

తెలంగాణపై కేంద్రంలో కదలిక మొదలయింది. ప్రత్యేక రాష్టమ్రా? ప్యాకేజీనా అనే తర్జనభర్జన పై సూత్రపాయ్ర నిర్ణయం తీసుకున్నట్లు తెలుస్తోంది. గూర్ఖాలాండ్‌ తరహాలో అభివృద్ధి బోర్డు ఏర్పాటు చేసి, దానికి 25 వేల కోట్ల రూపాయలు కేటాయించి, వాటి ఖర్చు-కేటాయింపుపై రాష్ట్ర ప్రభుత్వ పెత్తనం లేకుండా స్వతంత్రంగా వ్యవహరించే బోర్డుకు ఊపిరిపోయనున్నట్లు సమాచారం. తెలంగాణ ఏర్పాటు వల్ల లాభనష్టాలు పార్టీ కోణంలో చర్చించిన కాంగ్రెస్‌ కోర్‌ కమిటీ చివరకు శాంతిభద్రతల కోణంలోనే నిర్ణయం తీసుకోవాలని తీర్మానించినట్లు తెలుస్తోంది. కర్నూలు- అనంతతో కలిపి రాయల్‌ తెలంగాణపై చర్చ జరిగినా ప్యాకేజీలపైనే ఎక్కువమంది మొగ్గుచూపినట్లు సమాచారం. తెలంగాణను తేల్చివేయాలన్న నిర్ణయానికి కేంద్రం వచ్చింది.

తెలంగాణపై ఏదో ఒక నిర్ణయం తీసుకోవాలని తెలంగాణ-సీమాంధ్ర నేతలు చాలాకాలం నుంచి ఒత్తిడి చేస్తున్న నేపథ్యంలో అసెంబ్లీ సమావేశాలు మగిసిన తర్వాత ఒక నిర్ణయం తీసుకోవాలని శుక్రవారం జరిగిన కోర్‌ కమిటీ సమావేశం తీర్మానించగా, దానిని అహ్మద్‌పటేల్‌ కూడా ధృవీకరించడం గమనార్హం. దీన్నిబట్టి అసెంబ్లీ సమావేశాలు ముగిసిన తర్వాత తెలంగాణపై స్పష్టత ఇవ్వాలని భావిస్తున్నట్లు కనిపిస్తోంది. ఈ సందర్భంగా ప్రత్యేక తెలంగాణనా? లేక ప్యాకేజీతో కూడిన అభివృద్ధిమండలా? అన్నదానిపై సీరియస్‌గానే చర్చించా రు. ఆ సందర్భంగా తెలంగాణ ఇస్తే తెలంగాణలోని అన్ని పార్లమెంటు సీట్లు సాధిస్తామని టీ కాంగ్రెస్‌ నేతలు భరోసా ఇస్తున్న వైనాన్ని ఆజాద్‌ సమావేశంలో మరోసారి నొక్కిచెప్పినట్లు తెలుస్తోంది. అయితే తెలంగాణ ఇస్తే సీమాంధ్రలో కాంగ్రెస్‌ తుడిచిపెట్టుకుపోతుందని సీమా ంధ్ర నేతలు ఆందోళన వ్యక్తం చేస్తున్న వైనాన్నీ ఆయన సమావేశం దృష్టికి తీసుకువెళ్లారు. ఈక్రమంలోనే శాంతి భద్రతలు-తెలంగాణకు ముడిపెడుతూ కోర్‌కమిటీ సభ్యు లు ప్రస్తావనకు తెచ్చినట్లు తెలుస్తోంది. 

చిన్న రాష్ట్రాలవల్ల శాంతిభద్రతల సమస్య ఏస్థాయిలో వస్తుందో ఇటీవల చత్తీస్‌గఢ్‌ ఘటన చూశామని, పీసీసీ అధ్యక్షుడు, సీనియర్‌ నేత సహా ఎంతమందిని పోగోట్టుకున్నామో గుర్తించాలని సూచించారు. అయితే, అదే సమయంలో తెలంగాణలో పార్టీ అభివృద్ధి, ఎన్నికల్లో గెలుపు కూడా ముఖ్యమయినం దున, ఆ కోణంలో అందరికీ ప్రయోజనకరంగా ఉండే నిర్ణ యం తీసుకోవాలని మరికొందరు సూచించారు. సీమాం ధ్రలో జగన్‌ హవాతో కాంగ్రెస్‌ తుడిచిపెట్టుకుపోయిందని, కనీసం తెలంగాణ ప్రకటిస్తే తెలంగాణలో 15 సీట్లు ఖా యంగా వస్తాయని టీ వాదులు స్పష్టం చేస్తున్న విషయం తెలిసిందే. ఆ చర్చ సందర్భంగానే పశ్చిమ బెంగాల్‌లో గూర్ఖాలాండ్‌ తరహా అభివృద్ధి మండలి, ప్రత్యేక ప్యాకేజీ ప్రస్తావన వచ్చింది. 25 వేల కోట్ల రూపాయలతో ప్రత్యేక ప్యాకేజీ ఇచ్చి, దానిపై రాష్ట్ర ప్రభుత్వ అజమాయిషీ, అను మతి లేకుండా కేటాయింపు-ఖర్చు చేసుకునే వెసులు బాటు ఇవ్వాలని మెజారిటీ సభ్యులు సూచించగా, సోని యాగాంధీ కూడా దానిని సూత్రప్రాయంగా ఆమోదించి నట్లు సమాచారం. 

దానికి సంబంధించి రాష్ట్రం నుంచి తెప్పించుకున్న నివేదికలపై చర్చించారు. ఆ ప్రకారంగా.. 100 అసెంబ్లీ, 15 ఎంపీ సీట్లు ఇవ్వాలని కేసీఆర్‌ స్వయంగా చెబుతుండటంతో 2014 వరకూ తెలంగాణ రాదన్న నిర్ధరణకు తెలంగాణ ప్రజలు మానసికంగా వచ్చినందున, అప్పటివరకూ అభివృద్ధి మీద దృష్టి సారిస్తే ఎన్నికల్లో అభివృద్ధి అంశం మీద ప్రచారం చేసే వెసులు బాటు ఉంటుందని విశ్లేషించారు. దానికితోడు తెలంగాణను రాజకీయ పార్టీలు వాడుకుంటు న్నాయని, అందులో భాగంగానే బందులు, ఆందోళనలు నిర్వహిస్తున్నారన్న అంచనాకు ప్రజలు వచ్చారని, అందుకే వాటికి దూరంగా ఉంటున్నారని మరో సభ్యుడు విశ్లేషిం చారు. ప్యాకేజీని ఒక్క తెలంగాణకే పరిమితం చేయకుం డా.. వెనుకబడిన జిల్లాలకూ ఇచ్చినట్టయితే వెనుకబడిన ప్రాంతాలకు కాంగ్రెస్‌ న్యాయం చేస్తుందన్న సంకేతా లివ్వవచ్చని సూచించారు. ఆప్రకారంగా సీమలో కర్నూ లు, ఉత్తరాంధ్రలో శ్రీకాకుళం, కోస్తాలో గుంటూరు లేదా ప్రకాశం జిల్లాలో ఒకటి ఎంపిక చేస్తే సరిపోతుందని సూచి ంచగా, మెజారిటీ సభ్యులు దానిపై మొగ్గుచూపినట్లు తెలు స్తోంది. 

ప్రస్తుతం అసెంబ్లీ సమావేశాలు జరుగుతున్నం దున అవి ముగిసినతర్వాత ప్యాకేజీ అంశంపై చర్చించాల ని ఆజాద్‌ సూచించగా, కోర్‌ కమిటీ అందుకు ఆమోదిం చింది. అంతకుముందు తెలంగాణతోపాటు రాయలసీమ లోని కర్నూలు, అనంతపురం జిల్లాలను కలిపి రాయల్‌ తెలంగాణ ఏర్పాటుచేయాలన్న ప్రతిపాదనపైనా చర్చ జరి గింది. దానికి కొందరు సభ్యులు మొగ్గుచూపినా, మెజా రిటీ సభ్యులు వ్యతిరేకించారు. తెలంగాణ అంశానికి ప్యాకే జీ సూత్రమే పరిష్కారమని కోర్‌ కమటీ నిర్ణయించినం దున, మరోసారి రాష్ట్రానికి చెందిన అన్ని రాజకీయ పార్టీల తో అఖిలపక్షం నిర్వహించి, తుది నిర్ణయం తీసుకోవాలని కొందరు సూచించగా, మిగిలిన సభ్యులు దానిని ఆమోదిం చినట్లు తెలిసింది. అయితే, మరికొందరు మాత్రం దానికి రాష్ట్ర పార్టీలు ఏ మేరకు అంగీకరిస్తారన్నది సందేహమని అనుమానం వ్యక్తం చేసినట్లు సమాచారం. 
Fram: Surya 

ఇక తెలుగుదేశం ఫ్లెక్సీల్లో లోకేష్

టిడిపి తరఫున రూపొందించే ఫ్లెక్సీలు, ప్రచార ప్రకటనల్లో నారా లోకేశ్ పొటోను చేర్చారు. టిడిపి అధికారి వెబ్‌సైట్‌లో ఫ్లెక్సీల కోసం ఉపయోగించాల్సిన నారా లోకేశ్ ఫోటోలను చేర్చారు. మొత్తం మూడు రకాల నిలువెత్తు ఫోటోలను పార్టీ వెబ్‌సైట్‌లో అందుబాటులో ఉంచారు. ఈ ఫోటోలను డౌన్‌లోడ్ చేసుకుని ఉపయోగించాలని సూచించారు. నారా లోకేశ్ ఇప్పటి వరకు పార్టీలో చేరినట్టు ప్రకటించలేదు. లోకేశ్ పార్టీలో చేరుతున్నారా? అని విలేఖరులు చంద్రబాబును ప్రశ్నించగా, మీ అబ్బాయి కూడా చేరవచ్చు అంటూ చంద్రబాబు సమాధానం చెబుతున్నారు. లోకేశ్‌కు పార్టీలో ఏదైనా హోదా కల్పిస్తారా? అంటే అతని పనితీరు బట్టి పార్టీలో స్థానం ఉంటుందని, ఇది వారసత్వం కాదని చెబుతున్నారు. వారసత్వ రాజకీయాలకు వ్యతిరేకంగా పుట్టిన టిడిపిలో వారసునిగా లోకేశ్‌ను ప్రవేశ పెట్టడంపై మీడియా ప్రశ్నిస్తే, బాబు ఆగ్రహం వ్యక్తం చేస్తున్నారు. ఇది వారసత్వం కాదని, ప్రతిభను బట్టి పనితీరును బట్టి అవకాశాలు ఉంటాయి దీన్ని వారసత్వంగా భావించవద్దు అనేది ఆయన వాదన. వారసత్వం కాదు అంటూనే టిడిపి అధికారిక వెబ్‌సైట్‌లో లోకేశ్‌కు వారసత్వ హోదా కల్పించారు. టిడిపి అధికారిక వెబ్‌సైట్‌లో ఎన్టీఆర్ కుటుంబం, చంద్రబాబు కుటుంబ సభ్యుల ఫోటోలు మాత్రమే ఉంటాయి. పార్టీ పోలిట్ బ్యూరో సభ్యుడైనా, ఎంత పెద్ద నాయకుడైనా వారి ఫోటోలు కనిపించవు. పార్టీ ప్రచారం కోసం నాయకులు రూపొందించే ప్లెక్సీలు, ప్రకటనల్లో ఉపయోగించుకోవడానికి ఆరుగురి ఫోటోలను పొందు పరిచారు. ఎన్టీరామారావు, చంద్రబాబు నాయుడు. హరికృష్ణ, బాలకృష్ణ, జూనియర్ ఎన్టీఆర్, లోకేశ్‌ల ఫోటోలను పొందు పరిచారు. ఎన్టీఆర్‌వి ఏడు రకాల బొమ్మలు ఉండగా,చంద్రబాబువి 12 ఫోటులున్నాయి. పచ్చని పొలాన్ని దున్నుతున్న దున్నుతున్న బాబు, నాగిలి భుజాన వేసుకున్న ఫోటోలు వీటిలో ఉన్నాయి. ఇక బాలకృష్ణవి నాలుగు రకాల ఫోటలు ఉండగా, జూనియర్ ఎన్టీఆర్‌వి మూడు, లోకేశ్‌వి నిలువెత్తు ఫోటోలు 3 ఉన్నాయి. హరికృష్ణవి కూడా 2 ఉన్నాయి. రెండేళ్ల క్రితం గండిపేటలో జరిగిన మహానాడులో ప్లెక్సీలపై లోకేశ్ ఫోటోలను ఉపయోగించడంపై హరికృష్ణ అసంతృప్తి వ్యక్తం చేశారు. దీనిపైబాబు స్పందిస్తూ ఒకరిద్దరు లోకేశ్ ఫోటోలను ఉపయోగించడం సరికాదని సున్నితంగా మందలించారు. ఇప్పుడు ఏకంగా పార్టీ అధికారిక వెబ్‌సైట్‌లోనే లోకేశ్ ఫోటోలు ప్లెక్సీల కోసం ఎలాంటివి ఉపయోగించాలో సూచించడం విశేషం.

రెంటికీ చెడిన రేవడి అయిన జూ.ఎన్టీయార్

బహుశా జూనియర్ ఎన్టీఆర్ చిన్నప్పు డు తెలుగు పద్యాలు ఏవీ చదువుకుని వుండకపోవచ్చు. లేదంటే, తన కోపమె తన శతృవు..తన శాంతమె తనకు రక్ష…అన్న నానుడి పట్టుబడి వుండేది. కనీసం తెలుగు మీడియంలోనైనా చదివి వుంటే, ఓర్చినమ్మకు తేటనీరు అన్న సామెతన్నా తెలిసి వుండేది. ఇలాంటి విషయాలు ఏవి తెలిసి వున్నా, ఇప్పడిలా కోరి తలకాయనొప్పులు తెచ్చుకునేవాడు కాదు.
జూనియర్ ఎన్టీఆర్ నిజానికి ఓ సక్సెస్ స్టోరీ. తండ్రి, ఓ కుటుంబం ఇలాంటి వాటికి దూరంగా తల్లితోడదే లోకంగా బతికాడు. భగవంతుడు అనుగ్రహించి, బాబాయిలకు సైతం పూర్తిగా రాని తాత అందాన్ని అందించాడు. ఆపై అనుకోకుండా నటవారసత్వం అందివచ్చింది. జనం జేజేలు పలికారు. కానీ అక్కడే జూనియర్ తో తేడా వచ్చింది. ఇదంతా తన అదృష్టం అనుకున్నట్లు కనిపించలేదు. తనకు తిరుగులేదన్న ధీమా పెంచుకున్నట్లు కనిపించింది.
గడచిన ఎన్నిక్లలో పార్టీ తరపున ప్రచారం చేయడం తెలుగుదేశానికి సీట్లు తెచ్చిపెట్టకపోయినా, జూనియర్ రాజకీయ కాంక్షకు బీజాలు వేసిందేమో? తనను తాను కాస్త ఎక్కువగానే ఊహించుకునేలా చేసిందేమో? బండి బాట మారిపోయింది. తెలుగుదేశం వారసత్వం తనకు కావాలన్న తపన పెరిగినట్లుంది. సినిమా రంగంలో కావచ్చు, రాజకీయరంగంలో కావచ్చు..రౌతు మనసు ఎరిగి పరిగెత్తే గుర్రాలే ఎక్కువ. మంచి సలహాలు, దారితప్పితే వచ్చితే ముప్పు విప్పి చెప్పేవారు తక్కువ. ఎన్టీఆర్ విషయంలో కూడా అదే జరిగివుండొచ్చు.నిన్ను మించిన వాడు లేడు జగాన..అని భజన చేసేవాళ్లు చేసి వుండొచ్చు. కానీ మన కాళ్ల కింద నేల ఏపాటి గట్టిది అన్న ఇంగిత జ్ఞానం మనకు వుండాలి.
పట్టుమని పది హిట్లు లేని తరుణంలో, తన కెరియర్, చరిష్మా, తన వ్వయహారాలు అన్నీ తన సినిమాలతో ముడిపడి వున్న తరుణంలో వాటిపైనే దృష్టి కేంద్రీకరించుకోవాల్సి వుంది. వయసు చూస్తే తక్కువ. కనీసం మరో పదో, ఇరవయ్యో సినిమాలు చేయాల్సి వుంది. హిట్లు కొట్టాల్సి వుంది. టాలీవుడ్ లో పోటీ సామాన్యంగా లేదు. ఇలాంటప్పుడు తన సర్వ శక్తులు, ఆలోచనలు పూర్తిగా అటే కేంద్రీకరించాల్సి వుంది. పైగా తనకంటూ ఓ వెన్ను దన్ను వుండాలి. అంది అందించగలవాళ్ల అభిమానాన్ని పొందే మార్గం చూసుకోవాలి. ఇవన్నీ మాని, ముఖ్యమంత్రిగా చిరకాలం పనిచేసి, తొమ్మిదేళ్లు ప్రతిపక్షంలో వున్నా కూడా పార్టీని బతికించుకుంటూ వస్తున్న అనుభవం కలిగిన చంద్రబాబుతో ఢీ కొనడం ఎంతవరకు అవసరం? అది ఏ మేరకు లాభమో, నష్టమో తెచ్చిపేడుతుందో జూనియర్ ఆలోచించారా? బాలకృష్ణకు స్వంత చరిష్మా లేకనే బావ పక్కన నిలిచారా? అసలు సినిమాల్లో స్వంత వ్యవహారాలు, రాజకీయాలు చొప్పించి ప్రయోజనమేమిటి? దమ్ము సినిమా ఎందుకు దెబ్బతింది. కథను తన చిత్తం వచ్చినట్లు, తన స్వంత వ్వవహారాల చుట్టూ తిప్పడం వల్లనే కదా? ఒక విధంగా జూనియర్ కూడా జగన్ లాంటి తొందరపాటునే ప్రదర్శించారనిపిస్తోంది. ఎన్ని అంతస్తులైనా ఒక్కొక్కటీ ఎక్కాల్సిందే. అమాంతం ఎగిరే అవకాశం అందరికీ రాదు. ఒక వేళ బాబు తెలుగుదేశం వారసత్య పగ్గాలను లోకేష్కు అందివ్వాలానే అనుకున్నారని అనుకుందాం. హరికృష్ణ తనయుడి గురించి ఆలోచించినట్లు, బాబు తన కొడుకు ఆలోచించడంలో తప్పులేదు. కానీ ఇక్కడ ఒకటే సమస్య ఎవరి బలం ఏమిటన్నది చూడాలి. బాబు బలం ఎక్కువ అని గమనించినపుడు తగ్గి వుండాలి. వేరే విధంగా ఆయన నుంచి లాభం పొందడానికి చూసుకోవాలి. కెరియర్ పరంగా, ఇంకేమైనా పదవుల పరంగా. అది ఒక్కటీ తప్ప..అన్న చందంగా, వారసత్వ పగ్గాలు ఆశించకుంటే, ఏదడిగినా ఇవ్వడానికి బాబుకు కూడా అభ్యంతరం వుండకపోవచ్చు. ఇవన్నీ ఆలోచించకుండా తొందరపడి పార్టీకి, పార్టీ నేతలకు దూరం కావడం అన్నది ఎన్టీఆర్ దుందుడుకు చర్య. అతగాడి అనుభవ రాహిత్యానికి అది ఉదాహరణ.
నిజానికి మహానాడుకు ఆహ్వానం రాలేదనే అనుకుందాం..అయినా వెళ్లి..హుందాగా పాల్లొని, మొన్న తాత సమాధి దగ్గర చెప్పిన మాటలేవో అక్కడే చెప్పి, కావాలంటే, ఆహ్వానం లేకపోయినా వచ్చానని చెప్పివుంటే, బంతి బాబు కొర్టులో పడివుండేది.
ఇప్పు డు బంతి ఎన్టీఆర్ కోర్టులో వుంది. ఇక మరే పిలుపు రాదు. పిలవకుండా వెళ్లడానికి అహం అడ్డువస్తుంది. దిగజారడని అనుకుంటారన్న ఆందోళన. చేతిలో వున్నది ఒకటి రెండు సినిమాలు. మొన్నటికి మొన్న దమ్ము సినిమా పరాజయానికి తెలుగుదేశం అభిమానుల ఎస్ఎమ్ఎస్ లు కూడా కారణం అన్న వార్తలు వినవచ్చాయి. యుద్ధం అన్నాక అలాగే వుంటుంది. భవిష్యత్ లో సినిమాలకు కూడా ఈ తరహా యుద్దాలు తప్పకపోవచ్చు. ఈ చిన్న వయసులో ఇన్ని తలకాయ నొప్పులు అవసరమా? రాజకీయాల్లో ఎంతయినా వేచి వుండాల్సిందే. బాబు సైతం ఎన్ని ఏళ్ల అనుభవం తరువాత ముఖ్యమంత్రి కాగలిగారు? అది మరిచిపోయి..’నేను కాబోయే సిఎమ్ ను’ అన్న భ్రమల్లో గడిపితే ఫలితం లభించదు.
జూనియర్ తండ్రి హరికృష్ణకు ఇటువంటి దుందుడుకు తనమే వుంది. అదే వారసత్వంగా జూనియర్ కు వచ్చినట్లుంది. కానీ తండ్రి రాజకీయాల్లో విఫలమైనట్లు, తానూ విఫలం కాకూడదనుకుంటే, జూనియర్ ఆలోచనా విధానం సమూలంగా మారాల్సి వుంది. అందుకు కావాల్సింది రెండు . ఒకటి సరైన సలహాదారులు. రెండు వాటిని తలకెక్కించుకునే యోచన.
Source:  http://24by7news.com/headlines/hero-jr-ntr-need-advisors/#.UadnsawV84I

"రోహిణీ కార్తె" అంటే ?

సూర్యోదయమప్పుడు ఏ చుక్క (నక్షత్రం) చంద్రుడికి దగ్గరగా ఉందనే దాన్ని బట్టి ఆ రోజు నక్షత్రం నిర్ణయమవుతుంది. పున్నమి రోజు చంద్రుడు ఏ చుక్కతో ఉంటే ఆ నెల పేరును ఆ చుక్క పేరు మీదుగా పెట్టేశారు మనవాళ్ళు: చిత్రా నక్షత్రమైతే చైత్రం, విశాఖ ఐతే వైశాఖం, ఇలా వరసగా. (పున్నమి నుంచి పున్నమికి దాదాపు 30 రోజులు. చైత్రమాసంలో పున్నమి రోజు చిత్రా నక్షత్రం వస్తే 27 రోజుల తర్వాత 28వ రోజు మళ్ళీ చిత్రా నక్షత్రం వస్తుంది. 29 వ రోజు స్వాతి, 30 వ రోజు విశాఖ. అదే వైశాఖ పున్నమి. ప్రతి సంవత్సరం ఇదే వరస!) ఈ చుక్కలన్నిట్లోకీ రోహిణీ మరింత చక్కని చుక్క. ఆ రోహిణీ నక్షత్రానికి పున్నమి చంద్రుడితో గడిపే అవకాశం కార్తీక మాసంలో గానీ రాదు. ఆ నెలలో పున్నమి పూర్తవకుండానే కృత్తికా నక్షత్రం వెళ్ళిపోయి రోహిణి వచ్చేస్తుంది. అప్పుడు చంద్రుడెంతగా వెలిగిపోతాడంటే అంత ప్రకాశవంతమైన వెన్నెల సంవత్సరం మొత్తం మీద మరే నాడూ ఉండదు. అసలు కార్తీక మాసానికే వెన్నెల మాసమని పేరు.
ఇక సూర్యుడి విషయానికి వస్తే సూర్యుడు ఏ నక్షత్రానికి దగ్గరగా ఉన్నాడనేదాన్ని బట్టి కార్తె నిర్ణయమవుతుంది. సంవత్సరానికి మొత్తం 27 కార్తెలు. ఎప్పుడు ఏ కార్తె వచ్చేదీ కాలెండర్ లో చూసి తెలుసుకోవచ్చు. (ఈ సంవత్సరం రోహిణీ కార్తె మే 24 నుంచి జూన్ 8 వరకు ఉండింది.) రోహిణీ కార్తెలో సూర్యుడెంతగా వెలిగిపోతాడో చెప్పనవసరం లేదు: "రోహిణీ ఎండలకు రోళ్ళు పగులుతాయి" అనే సామెతే ఉంది.
 రోహిణీ కార్తె రాకతో రైతులు సాగుకు మంచి రోజులుగా భావిస్తారు. ప్రతి ఖరీఫ్‌కు ఈ కార్తె నుంచే సాగుకు సమయాత్తమవుతారు. నార్లు పోసుకునేందుకు చాలా మంది రైతులు ఈ కార్తె ప్రారంభమైన రోజు నుంచే మొలక వేసుకుంటారు. అయితే ఈ సారీ ఆ పరిస్థితి కనిపించడం లేదు. ఈ నెలలో మునుపెన్న డూ లేని విధంగా ఎండలు మండుతున్నాయి. ఈ పరిస్థితుల్లో రైతులు సాగుకు సిద్ధమయ్యే పరిస్థితి లేదు.

కేసీయార్ పై కాంగ్రెస్ అస్త్రం రఘునందన్ ?

మేము క్రితం పోస్టు ( మన రాష్ట్రంలో " కోదండరాం" తో కూడా అమలుచేసే అవకాశాలు...) లో చెప్పింది నిజమైందా? కానీ ఆ అస్త్రం కోదండరాం కాకుండా రఘునందన్ ని కాంగ్రెస్ ఎంచుకుందా? తెరాసా పతనానికి ,తెరాసాని ప్రజలు అసహ్యించుకొనేలా చేయడానికి కాంగ్రెస్ ఆపార్టీకే చందిన రఘునందన్ ని ఎంచుకుందా? దీనిలో చంద్రబాబు వ్యూహం కూడా ఉందా? మొన్న డిల్లీలో చంద్రబాబు కాంగ్రెస్ పెద్దలతో చర్చించి ఈ వ్యూహ రచన చేసారా/
అవుననే అంటున్నాయి రాజకీయ వర్గాలు!  

 తెలంగాణ రాష్ట్ర సమితి అధినేత కె.చంద్రశేఖరరావు కుటుంబంపై ఆరోపణల వర్షం కురిపించడం ద్వారా ఇతర పార్టీల నుండి వచ్చే నాయకులను నిలువరించడంతోబాటు, ఆయన దూకుడుకు కళ్ళెం వేసేందుకు రాజకీయ ప్రత్యర్థులు పకడ్బందీగా ప్రయత్నాలు ప్రారంభించినట్లు సమాచారం. ఎంపీలకు గాలమేస్తున్న తరుణంలో కాంగ్రెస్‌ అధిష్టానం పక్కా వ్యూహంతో ఒక పద్ధతి ప్రకారం కెసిఆర్‌పై చేతికి మట్టి అంటకుండా కేసీఆర్‌పై ప్రతీకారం తీర్చుకోవాలనే దిశగా అడుగులు వేస్తున్నట్లు తెలుస్తుంది.

టి.కాంగ్రెస్‌ ఎంపీలకు నాయకత్వం వహిస్తున్న కె.కేశవరావును అధిష్ఠానం చాలా కాలం పెద్దగా పట్టించుకోలేదు. వారం రోజుల క్రితం కేశవరావును ఢిల్లిd పిలిపించుకుని మరీ సోనియాగాంధీ ఆయనతో మాట్లాడారు. అనంతరం టి.కాంగ్రెస్‌ ఎంపీలు మౌన ముద్ర దాల్చడంతోపాటు తెరాసలో చేరే అంశాన్ని కూడా పక్కనబెట్టినట్లు కనిపిస్తోంది.

కెసిఆర్‌పై సీబీఐ విచారణకు కాంగ్రెస్‌ ఎత్తుగడ వేస్తోందన్న వాదనలు వినవస్తున్నాయి. అయితే తమపై వస్తున్న అపవాదులు రాకుండా ఆ పార్టీ నాయకులనే అస్త్రంగా ఉపయోగించు కుని కెసిఆర్‌ కుటుంబంపై ఆరోపణలు చేయడం ద్వారా సిబిఐ విచారణకు మార్గం సుగమం చేయాలని అధిష్ఠానం భావించడం వల్లే రఘునందన్‌రావు వ్యవహారం ప్రారంభమైన ట్లుగా వార్తలు వినవస్తున్నాయి. కాంగ్రెస్‌ పార్టీలో చీలిక తెచ్చేందుకు కెసిఆర్‌ ప్రయోగించిన అస్త్రమైన కేశవరావునే తిరిగి అతనిపైనే తెలివిగా ప్రయోగించేలా కాంగ్రెస్‌ వ్యూహాత్మకంగా వ్యవహరించినట్లు సమాచారం. తెలంగాణలో కాంగ్రెస్‌ పార్టీని బ్రతికించడం, పార్టీ నాయకులను తెరాస వైపుకు వెళ్ళనీయకుండా అడ్డుకుంటే ప్రతిఫలంగా భవిష్యత్తులో ఒక పదవి ఇస్తామని సోనియా కేకేకు హామీనిచ్చినట్లు రాజకీయ వర్గాల్లో వినవస్తున్నది. అందులో భాగంగానే రఘునందన్‌రావు తెరమీదికొచ్చారని, కెసిఆర్‌ కుటుంబంపై ఆయన చేత ఆరోపణలు చేయించారనే ప్రచారం సాగుతోంది.

తెరాస శాసనసభాపక్షం నాయకుడు ఈటెల రాజేందర్‌ కూడా రఘునందన్‌రావు వెనక ముఖ్యమంత్రి హస్తముందని ఆరోపించారు. మెదక్‌ జిల్లా తెరాస పార్టీ అధ్యక్షుడు కె.సత్యనారాయణ కూడా హరీష్‌రావుపై చేసిన ఆరోపణలను తీవ్రంగా ఖండించారు. ఈ ఆరోపణల వెనక ప్రత్యర్థుల కుట్ర ఉందని వ్యాఖ్యానించారు. ఇతర పార్టీల నాయకులను పార్టీలోకి రప్పించడంలో హరీష్‌రావుది అందెవేసిన చేయి. దీంతో ఆయన దూకుడుకు కళ్ళెం వేయాలనే ఆలోచనతోపాటు కెసిఆర్‌కు హరీష్‌రావుకు మధ్య విభేదాలు సృష్టించవచ్చని, కాంగ్రెస్‌ నాయకత్వం రఘును అస్త్రంగా వదిలినట్లు తెలుస్తోంది. పనిలో పనిగా ఈ వ్యవహారంలోకి మరో ఎంపీ విజయశాంతిని కూడా లాగే ప్రయత్నం చేసినట్లు స్పష్టమవుతోంది.

సిబిఐకి రఘునందన్‌రావుచే ఫిర్యాదు చేయించి అనంతరం కెసిఆర్‌పై సిబిఐ విచారణకు కేంద్రం ప్రయత్నించవచ్చని సమాచారం. సోనియా కేకేతో సమావేశమైన తర్వాతే ఈ ప్రణాళికకు రంగం సిద్ధం చేసినట్లు తెలుస్తోంది. తాను కూడా ఎంపీలతో సహా తెరాసలో చేరుతానని, తనపై క్రమశిక్షణా చర్యలు తీసుకున్నా ఇబ్బందేమీ లేదని, ఒకవేళ తనపై క్రమశిక్షణ చర్యలు తీసుకుంటే తెలంగాణ ఇస్తామని హామీ ఇచ్చిన కేంద్ర మంత్రులపై చర్యలు తీసుకోవాలంటూ ఆయన ఒకానొక దశలో అధిష్ఠానానికి ఎదురు తిరిగారు. అయితే తాజా పరిస్థితుల్లో ఆయన మౌనంగా ఉండడమే కాకుండా ఎంపీలు కూడా నోరు మెదపకపోవడం కాంగ్రెస్‌ వ్యూహంలో భాగమేనని తెలుస్తోంది. రఘునందన్‌రావుచే త్వరలో హైకోర్టులో కేసు వేయించడంతోపాటు సిబిఐకి కూడా ఫిర్యాదు చేయించి విచారణ చేయించేలా కాంగ్రెస్‌ పావులు కదుపుతున్నట్లు సమాచారం.

  మరి తెలంగాణా ప్రజలు , మేధావులు ఎలా ఆలోచిస్తారో వేచిచూడాలి ?

Some content from: Andhraprabha

కర్నాటక బిజెపి పతనంలో కాంగ్రెస్ పావు ఎడ్యురప్ప?

కర్నాటక ఎన్నికలలో విజయానికి సర్వ శక్తులూ ఒడ్డిన కాంగ్రెస్ ఎట్టకేలకు విజయం సాధించింది. కానీ ఆ విజయం వెనుక చాలానే వ్యూహాలు పన్నినట్లు అక్కడి మీడియా చెపుతోంది. దక్షిణ భారత దేశంలో తొలిసారి కర్నాటకలో పాగా వేసిన బీజేపీని యడ్యూరప్పతో కొత్త పార్టీ పెట్టించి, ఆ పార్టీని దెబ్బతీసిందని అనుమానాలు వ్యక్తమవుతున్నాయి.
 ఇటీవల జరిగిన కర్నాటక ఎన్నికల్లో యడ్యూరప్ప పార్టీతో బీజేపీ మునిగిపోయిన విషయం తెలిసిందే.
కర్నాటక ఎన్నికలలో మొత్తం 3,12,16,708 ఓట్లు పోలయితే.. అందులో కాంగ్రెస్‌కు 1,14,10,737; బీజేపీకి 63, 32,595; యడ్యూరప్ప నేతృత్వంలో కేజీపీకి 30, 68348 ఓట్లు పోలయ్యాయి. అంటే యడ్యూరప్ప పార్టీని వీడి సొంత పార్టీ పెట్టకపోతే 94 లక్షల ఓట్లు బీజేపీకే వచ్చేవి. అప్పుడు శ్రీరాములు బీఎస్సార్‌పార్టీ, ఇండిపెండెంట్ల మద్దతు కీలమయ్యేవి. అంటే అప్పుడు కాంగ్రెస్‌-బీజేపీ అధికారపీఠానికి దగ్గరగా వచ్చేవి. దీన్ని బట్టి కర్నాటకలో యడ్యూరప్ప పార్టీ బీజేపీ కొంపముంచిందని, ఆ పార్టీ చీల్చిన ఓట్లే కాంగ్రెస్‌ను గెలిపించాయని స్పష్టమవుతోంది. చాలాకాలం పాటు బీజేపీలో ఉన్న శ్రీరాములు కూడా పార్టీ పెట్టడం బీజేపీకి నష్టం కలిగించిందని ఫలితాలు స్పష్టం చేశాయి.
ఇదే వ్యూహాన్ని మన రాష్ట్రంలో " కోదండరాం" తో కూడా అమలుచేసే అవకాశాలు ఉన్నట్లు కొన్ని తెలుగు పత్రికలూ చెపుతున్నాయి. చూద్దాం ఏమి జరుగుతోందో?